【Emily】粉嶺站大圍站快閃活動 「車尾上車」有機會賺積分
[2022.07.11] 發表
【明報專訊】東鐵線過海段5月通車，為令月台乘客分佈更均勻，引入咗「過海易」同「車廂載客情况顯示」資訊；最近又有新猷，喺今日(11日)開始，連續3個星期喺周一至周五早上繁忙時間，於粉嶺站及大圍站都會有「車尾上車即時賞」快閃活動，乘客只要喺往金鐘方向月台嘅車尾位置上車，就有機會每次賺取300分MTR Mobile App積分。
為期3周 盼令車廂客分佈更均勻
港鐵話上班族分秒必爭，會因應轉車月台或目的地車站嘅扶梯位置，而喺「就腳」嘅車頭上車，令車廂「頭重腳輕」。港鐵解釋，「車尾上車即時賞」快閃活動鎖定粉嶺站，係為下一站太和站留位，而大圍站就因為係主要轉車站，若呢兩個站做到車廂乘客分佈更均勻，不止惠及呢兩個站上車嘅乘客，之後車站上車嘅人都能受惠。港鐵希望解決朝早繁忙時間個別車卡擠迫情况，呼籲大家行多幾步，善用列車空間。
東鐵線過海段通車，一程過海方便咗，為令乘客喺返工時間更易上車，港鐵早前喺過海段通車時已加密早上繁忙時間班次，喺較繁忙嘅車站增加「子彈車」，接載繁忙路段乘客。
更多港聞
【Emily】偕囝囝赴同鄉展 陳家珮話似去咗旅行
【明報專訊】民政總署聯同28個同鄉會上周三起喺會展舉辦一連7日嘅「同鄉文化名勝展」，新民黨議員陳家珮（Judy）前日就帶埋囝囝一齊參觀，囝囝... 詳情
母一日兩餐省錢助女學琴 社協辦基層音樂會募捐扶貧
【明報專訊】將升讀中五的王凱瑩學習古箏已4年，11歲時母親送她禮物，讓她自選樂器學習，自此令她愛上音樂，「是意義很大的一份禮物」。凱瑩一家五... 詳情相關新聞
