【Emily】會員多意見 梁家傑：有人指報酬令榮譽失色 大律師會棄主席受薪建議
[2021.11.04] 發表
【明報專訊】大律師公會9月向會員發信，提出由下年開始，公會主席每月可收到5萬元做報酬，即年薪達60萬元。不過諮詢期結束後，公會噚日再度發通告，話會員表達咗唔同意見，經考慮後決定擱置建議。
9月稱耗私人時間 英國係全職
睇番9月封信，公會話按照過往經驗，主席用咗好多私人時間處理會務，即使𠵱家因為新冠疫情，主席已唔使代表公會到外地出席活動。通告仲話，英格蘭、威爾斯嘅大律師公會主席多年嚟都係一個受酬全職職位，人工相等於一個高等法院法官。公會話會內累積可觀嘅財政盈餘，財力上可以出糧畀公會主席，形容係一個可持續嘅方案。
當時通告特別提及，為避免利益衝突嘅嫌疑，現任主席夏博義表明唔會競逐連任。大律師公會前主席梁家傑同Emily講，有會員認為做主席係一種榮譽，畀報酬令榮譽失色，但佢分享做主席真係用咗好多私人時間，如果參考外國做法，設立報酬制度作為會員感謝主席嘅付出，但主席就可以自行選擇放棄唔攞，做法比較可行。
更多港聞
【明報專訊】西九文化區M+博物館下星期五（12日）正式開放，所有訪客當日起計嘅12個月，可免費入場參觀展覽，公眾人士可以喺今個星期五（5日）...
詳情
【明報專訊】安老事務委員會主席、行會成員林正財出席香港恒生大學《恒傳感言》節目，被問到喺北部都會區建長者村、退休村有無得諗，佢話「有，絕對應...
詳情
【明報專訊】海洋公園推出期間限定嘅「瑜伽星夜高峰Glamping」，參加者可以喺備有空調、舒適寬敞嘅私人帳篷盡情放空身心，參與瑜伽導師到活動...
詳情
【Emily】賀150周年 動植物公園周六辦音樂會
【明報專訊】香港動植物公園成立一個半世紀，?康文署喺星期六（6日）為公園舉行150周年慶典啓動禮暨黃昏音樂會慶祝，並展現公園喺「市中森，自然... 詳情相關新聞
