【Emily】玩輪椅籃球 羅致光射極唔入
[2021.11.04] 發表
【明報專訊】全國殘疾人運動會剛閉幕，但運動熱潮仍未過，勞工及福利局長羅致光噚日出席樂齡科技博覽，同行會召集人兼社聯主席陳智思一齊試玩輪椅籃球，不過局長球技似乎有待改進，佢原本喺球場側邊位置射籃，失敗之後主持叫佢去中間位置，但射咗幾次都食白果。
羅又喺展館「踩單車」，同陳智思等另外3個嘉賓較勁，局長起初落後，不過愈踩愈落力，仲追返上嚟。嗰幾部單車腳踏其實用嚟促進長者復康，測量玩家心跳同熱量消耗。羅致光踩完單車之後表現雀躍，轉戰籃球，喺香港傷殘青年協會嘅代表示範同帶領下，嘗試坐喺輪椅拍球、傳球同射籃。
樂齡科技博覽由噚日起一連4日喺灣仔會展舉辦，合共展出600幾項樂齡科技產品，其中設有互動體驗運動場，公眾可即場試玩多項科技運動器材，例如滑雪、標槍、虛擬實境賽跑等。羅致光致辭提到，人口急速高齡化對醫療同照顧服務帶嚟極大挑戰，樂齡科技係其中一個關鍵策略。
更多港聞
【明報專訊】海洋公園推出期間限定嘅「瑜伽星夜高峰Glamping」，參加者可以喺備有空調、舒適寬敞嘅私人帳篷盡情放空身心，參與瑜伽導師到活動...
詳情
【Emily】賀150周年 動植物公園周六辦音樂會
【明報專訊】香港動植物公園成立一個半世紀，?康文署喺星期六（6日）為公園舉行150周年慶典啓動禮暨黃昏音樂會慶祝，並展現公園喺「市中森，自然... 詳情
《魷魚》難避 小學：可賦正面意義 有學校指血腥 籲家長指導
【明報專訊】韓劇《魷魚遊戲》熱潮蔓延，有小學前日（2日）去信家長，不點名稱一套外國電視劇集血腥及暴力場面成為討論焦點，部分學生模仿劇中遊戲情... 詳情
相關新聞
