【Emily】M+明起預約 旅客暫也免費
[2021.11.04] 發表
【明報專訊】西九文化區M+博物館下星期五(12日)正式開放，所有訪客當日起計嘅12個月，可免費入場參觀展覽，公眾人士可以喺今個星期五(5日)起預約。
收藏7700件作品嘅M+博物館，早前宣布將會畀持有效身分證明文件嘅香港居民12個月內免費入場。M+噚日表示，為多謝各界支持，同期嘅免費優惠將擴展至所有訪客。不過如果想睇特別展覽、節目，同埋戲院放映，就須另外買飛。
M+博物館亦提供網上指定時間預約服務，今個星期五朝早10點起，公眾人士可以喺西九文化區網站、M+網站，或「西九文化區」手機應用程式，預約開幕後頭兩星期(2021年11月12至28日)參觀時段。想睇開幕節目，亦可同時喺M+網站，同埋「西九文化區」手機應用程式預約，入場時要出示番節目確認電郵。
開幕初期可能人頭湧湧，M+就話強烈建議訪客提前預約，準時到場。佢哋又預計繁忙時段，訪客可能要等多一陣先入到場。至於無預約嘅訪客就要視乎館內人數決定可否入場。而M+會員、贊助人，以及6歲或以下小朋友就毋須預約。
M+網站：www.mplus.org.hk/tc/
更多港聞
【明報專訊】安老事務委員會主席、行會成員林正財出席香港恒生大學《恒傳感言》節目，被問到喺北部都會區建長者村、退休村有無得諗，佢話「有，絕對應...
詳情
【明報專訊】海洋公園推出期間限定嘅「瑜伽星夜高峰Glamping」，參加者可以喺備有空調、舒適寬敞嘅私人帳篷盡情放空身心，參與瑜伽導師到活動...
詳情
【Emily】賀150周年 動植物公園周六辦音樂會
【明報專訊】香港動植物公園成立一個半世紀，?康文署喺星期六（6日）為公園舉行150周年慶典啓動禮暨黃昏音樂會慶祝，並展現公園喺「市中森，自然... 詳情
《魷魚》難避 小學：可賦正面意義 有學校指血腥 籲家長指導
【明報專訊】韓劇《魷魚遊戲》熱潮蔓延，有小學前日（2日）去信家長，不點名稱一套外國電視劇集血腥及暴力場面成為討論焦點，部分學生模仿劇中遊戲情... 詳情相關新聞
