【Emily】海園「瑜伽星夜Glamping」 索價6888
[2021.11.04] 發表
【明報專訊】海洋公園推出期間限定嘅「瑜伽星夜高峰Glamping」，參加者可以喺備有空調、舒適寬敞嘅私人帳篷盡情放空身心，參與瑜伽導師到活動地點教授瑜伽、西藏頌缽課程，同埋體驗多項精彩豐富嘅獨特節目，包括觀賞日出、夜探「南極奇觀」同約會海獅。兩日一夜活動索價6888元，包一晚容納4人嘅帳篷、入場門票、3節瑜伽堂、早晚餐。
兩日一夜 帳篷容納4人
根據海洋公園網站，如果唔做瑜伽嘅話，收費就介乎4800至5280元。
海洋公園新聞稿話，全新「森度遊」系列將於11月7日至12月18日舉行，有「森動瑜伽」、「秘行南朗山」及「瑜伽星夜高峰Glamping」三大焦點活動畀參加者一邊享受運動樂趣，一邊欣賞壯麗海景、迷人山色又或者廣闊星空，與大自然合而為一。
升級版「森動瑜伽」係將海洋公園唔同角落搖身一變成為瑜伽場地，畀參加者喺「海洋奇觀」、「夢幻水都人工湖」、「香港老大街」等場地做瑜伽。
更多港聞
【Emily】賀150周年 動植物公園周六辦音樂會
【明報專訊】香港動植物公園成立一個半世紀，?康文署喺星期六（6日）為公園舉行150周年慶典啓動禮暨黃昏音樂會慶祝，並展現公園喺「市中森，自然... 詳情
《魷魚》難避 小學：可賦正面意義 有學校指血腥 籲家長指導
【明報專訊】韓劇《魷魚遊戲》熱潮蔓延，有小學前日（2日）去信家長，不點名稱一套外國電視劇集血腥及暴力場面成為討論焦點，部分學生模仿劇中遊戲情... 詳情
相關新聞
