【明報專訊】自從大批民主派當選區議員後，大家都好積極探望在囚嘅抗爭者。香港眾志秘書長黃之鋒噚日同大家匯報協調區議員「探手足」嘅進度。佢話已經發放接近100個在囚手足嘅編號畀60幾個區議員，喺呢兩個月申請公務探訪，佢讚揚區議員相當盡責。 未來會配對區議員同手足 黃之鋒話，區議員可以喺無懲教監聽下，不受時間限制咁去同在囚手足交談。議員除咗閒話家常，亦會跟進手足有咩需要，包括使唔使訂購報紙、零食同私飯，代表律師跟進案件有無甩漏，同有無信息要傳達畀家屬親友等。之鋒話希望「在囚支援」可以做到更切實同有幫助。 之鋒亦話未來會配對區議員同手足，等區議員可以更熟悉手足，而唔係水過鴨背咁見完一次面就算數。
|
| |
| |
;)
