【明報專訊】由香港舞蹈總會演出嘅《緣起敦煌》第八度公演，但演出首日撞正元朗7．21事件發生5個月，主辦單位噚日宣布由於「特殊情况」，表演由夜晚7點半改為當日下晝3點，表演場地仍然喺元朗劇院演藝廳。 《緣起敦煌》演出日期係12月21日同22日。主辦單位話，持原定21日夜晚7點半門票嘅觀眾，可憑原票喺同日下晝3點入場，要保留完整門票或透過網上購票確認電郵；如觀眾未能出席，可以辦理退票手續。 主辦單位話，經城市電腦售票網嘅觀衆，要填妥退票表格連同門票，寄去或親身交到香港藝術發展局辦事處；而經撲飛購票嘅觀衆，可電郵ask@popticket.hk退票。所有退票手續要喺2020年1月10日或之前完成。
|
| |
| |
;)
