【明報專訊】網站「香港解密」上載大量記者、政治人物、示威者嘅個人資料，近日亦進一步公開「接載示威者」或者「運送物資」嘅車輛資料，其中兩架車被指係「運輸車」，網站話係「萬泰製衣(國際)有限公司」、即係自由黨榮譽主席田北俊公司名下。微博用戶「薩科齊」就批評田大少口講唔支持「暴徒」，身體卻很誠實，提供車輛接載「暴徒」，話佢係「二五田名副其實」。 對於呢啲指控，田大少就喺自己facebook回應，反問「其實，邊個會攞架兩座位的法拉利去咁做？想老屈都fact check下先啦」，又hashtag「醒小小啦唔該」，真係反駁都豪氣過人。 微博用戶批評「二五田」 港網民揶揄未見過法拉利 唔少網民都留言希望可以坐田少架法拉利，有人話「田少，你義載我啦，你肯同我合照我無上光榮」；亦有網民話該微博用戶「未見過法拉利，點知得兩個位喎」。
|
| |
| |
;)
