【明報專訊】全國「兩會」3月初喺北京舉行，香港嘅人大代表同政協委員亦要飛上北京開會，政協委員可以向全國政協交「提案」，就各個範疇提出建議，為國家建言獻策，提交嘅數量亦無限制，而委員交提案後，相關部委亦要研究同跟進。過去唔少委員都會交大量提案，全國政協委員吳傑莊噚日同傳媒聚會時透露，今年政協機構已溫馨提示大家，希望重質不重量，唔好交太多，原因係全國有超過2000名政協，機構面對大量提案都有啲吃不消。 吳傑莊倡大灣區唔使「翻牆」 大灣區規劃綱要日前公布，相信今年人代、政協都會提出各式各樣有關大灣區嘅建議，吳傑莊話佢打算提交4、5份提案，其中一份係建議中央喺大灣區可以打通網絡，即使身處大灣區，仍然可以喺網上睇到各項資訊，唔需要再「翻牆」。佢話部分做創新、科研嘅人，都需要上網搵吓各樣資訊，若網絡有太多限制，令佢哋只能睇到翻譯咗或者有限度資訊，對佢哋要創作或做創新嘅都有障礙。
|
| |
| |
;)
