【明報專訊】政務司長張建宗噚日率領多個局長同副局長，首次坐高鐵去內地官式訪問，張建宗同政制及內地事務局長聶德權都唔放過機會大讚高鐵有幾好。張建宗喺車廂內接受隨團採訪記者訪問，大讚車程舒適、快而穩，雖然去福建車程要5個幾鐘，但坐飛機可能有空管，機場未必喺市中心，認為交通時間相差唔遠。佢話坐下晝開出嘅高鐵，亦正好配合行政會議早上開會。 今次官員坐嘅係最平及最多位嘅二等座，張建宗話呢個係佢嘅選擇，希望感受吓市民搭高鐵嘅體驗，日後如果行程配合，會再考慮搭高鐵去內地訪問。 聶德權亦喺facebook上載坐高鐵相片，佢話上年去長沙開會，要先坐車去深圳轉乘高鐵，今次可以由西九龍站直接搭到福州，方便得多，仲形容「在平穩舒適的車箱(廂)內看看文件、處理公務，真係話咁快就到！」
|
| |
| |
;)
