【明報專訊】民主黨前主席劉慧卿今日喺外國記者會(FCC)以「香港是否處於彌留狀態」為名搞研討會，請?時事評論員程翔、香港人權監察總幹事羅沃啟等5人做講者。不過事件一波三折，FCC經理同卿姐講要經董事會通過先可以開壇，搞到卿姐擔心自己爭啲變「馬建第二」，不過最後都可以舉行。 主席幫手交涉 話係愚蠢誤會 事緣卿姐見近日發生連串事件，上周五決定喺今日搞論壇，佢同FCC主席Florence de Changy表達後，對方即刻應承，仲叫佢聯絡職員幫手。卿姐落咗5000元訂金、訂晒茶水糕點，點知噚日出席港台節目後就收到FCC經理致電，話要董事會通過先搞得，嚇咗卿姐一跳，忍唔住鬧FCC「離譜」，佢質疑論壇主題又唔係港獨、自決，但大家變晒驚弓鳥，「香港係咪沉淪?？」其後Florence幫佢交涉，論壇就照舊舉行，但經理同卿姐講唔計講者，只得30個位，叫佢控制人數。 Florence同Emily講，事件只係愚蠢嘅誤會(silly misunderstanding)，從來冇唔畀卿姐租場嘅想法，基於安全同物流考慮，FCC房間有人數限制，只係卿姐喺電台節目提到活動公開，令職員關注。佢話自己今日都會以記者身分出席論壇𠻹。
|
| |
| |
;)
