【明報專訊】港鐵噚日公布高鐵香港段票務安排，其間發生咗段小插曲，令原定兩點半開始?記者會，遲咗半個鐘。話說噚日港鐵帶記者行家去到西九總站B1層開記者會，一眾攝影師都趕去擺個最佳拍攝位置，但有電視台攝影師因為覺得擺cam嘅位置太遠，坐前面?嘉賓會阻擋鏡頭，建議不如大家一齊行前幾步。但大部分攝影師都已經擺好位set好機，未有響應，最終只有嗰位大台攝影師行前咗。 事件引起行家一番爭論，港鐵公關亦出?調停，勸大台攝影師退番後幾步，不過唔成功，其間有其他行家不滿，港鐵最終都無解決到個問題，結果全程得嗰支cam擺喺最前面，記者會因而推遲開始。 行家開始排隊等買飛 另外，高鐵開通日嘅車飛下星期一開售，對於一眾行家嚟講，當然個個都想搭首班車，即係23號朝早7點由西九總站開去深圳北站嘅高鐵飛，不過一班車先得500幾個位，港鐵嘅配額得大約一半，即係200幾個位，每人限購8張，即係可能只要有30個人排隊，首班車嘅車票就會賣晒！ 好多記者行家都關注，究竟通車日港鐵嘅採訪安排係點，會唔會安排傳媒搭首班車，或者去內地口岸區拍攝，但港鐵畀唔到確實嘅答覆。由於港鐵無公布會唔會安排記者搭首班車，所以喺記者會後，有行家已經開始排隊等買飛，勤力過排隊黨。
|
| |
| |
');){kind=small}
;)
