【明報專訊】九龍社團聯會(九社聯)喺九龍西密密做工作，力捧盛傳會代表建制派出選立法會九龍西補選嘅「健康大使」陳凱欣(Rebecca)，九社聯除咗搞健康活動，原來都有搞茶敘。話會積極考慮參選嘅民主派代表劉小麗噚日就喺facebook post咗段影片，佢喺街上派緊傳單，遇到著九社聯背心嘅女士一樣派緊傳單，女士係宣傳九社聯「中秋敬老茶聚」，38元一位就有得食12味餸，包括文昌雞、大海花蝦伊麵等等。唔知到時健康大使會唔會出現，教大家點樣食得健康啲呢？不過Rebecca就話暫時冇收到九社聯嘅邀請。

Rebecca近日都有自己出post，分享健康信息，好似開學咁，作為兩子女?媽媽，佢分享「開學方程式」同「情緒管理方程式」，話謾罵式教導只會令子女出現「條件反射」，唔喜歡學習，家長放鬆啲可能會有更好效果。佢仲用自己經驗講，話以前用5分去讀書、5分去玩，最後同用10分讀書嘅同學一樣入到大學，佢覺得賺咗；近年見到小朋友讀書好大壓力，所以想分享自己經驗。

分享健康資訊 人民網fb share

Rebecca?健康資訊好受重視，連官媒人民網(香港)同新華香港個facebook專頁都有share佢?片，Rebecca話「如覺得資料有用，歡迎大家share」喎。