【明報專訊】日前本土民主前線召集人黃台仰喺facebook話，申請唔到簽證去印度達蘭薩拉參與「族群青年領袖研習營」。Emily聽聞學聯前秘書長周永康本來都會出席呢個研習營，近日申請簽證亦不獲批。周永康同Emily講，機票都買咗，估計可能都係黑名單問題而被拒簽證，藉此阻止各地公民社會交流。 周永康上年4月都曾出席「族群青年領袖研習營」，不過當時喺美國華盛頓舉辦，並無遇到阻滯。 「列陣」英文名保密 想註冊成功 另外，周永康、岑敖暉等人正籌組嘅「香港列陣」目前只聞樓梯響，聽聞最快5月初先會正式公布。不過已經有至少5個假facebook page出現，例如「香港列陣Hong Kong Legend」、「香港列陣Hong Kong Lineup」。 其實列陣為咗可以公司註冊成功，未有透露英文名。希望真正「列陣」屆時可以做好公關，免得「關公災難」出現。
|
| |
| |
;)
