【明報專訊】《明報》從早前獲得的部分「巴拿馬文件」揭露，「政治新星」、青年事務委員會主席劉鳴煒持英國國籍；鄉議局主席劉業強及其父「新界王」劉皇發，擔任一間離岸公司董事，喺2011年更新嘅董事登記冊亦報稱英籍。發叔噚日發聲明，話自己回歸前只係持有英國屬土公民(BDTC)護照，回歸後就只有特區護照，無外國居留權。佢話因為職員未有適時更新資料，所以回歸後公司資料仍顯示佢原本填報嘅英籍喎。 劉鳴煒則接受《星島日報》訪問再回應國籍事件，話自覺係香港人，「無論我有咩國籍，無人可以challenge(挑戰)」。佢認為國籍係法律層面，但身分認同係心態，唔應該混為一談，「如果用英國護照去旅行，填入境表格我需要填『British(英籍)』，但其他情况下別人問我，我一定答香港」。他又以「崇英」、「哈日」嘅香港人做例子，「他們的身分認同可能是英國人、日本人，但國籍是香港、中國」。 對於點解仲保留英國護照，劉鳴煒話因為去部分國家旅遊可免簽，過去留學嘅經歷畀佢新思維同視野喎。被問到係咪代表留戀英國，佢就話「畀幅英女王肖像我，我都無乜feel(感覺)」。
|
| |
| |
;)
