【明報專訊】新媒體「香港01」將於年尾面世，佢�]至今未有報道推出，但就率先令行家有新聞報�鵅C早前「01」全體員工搬入荃灣�儱s辦公室，有同事近日�鬗膝q內聞到一陣惡臭，連日不散，直至噚日發現公司地板下驚藏貓屍！

惡臭連日揭發 料屬工程意外

據了解，有同事噚日返工後，確認臭味來自某一處地板，於是安排工人揭開地板檢查，先揭發事件。Emily問過「香港01」執行總編輯戚本業，佢話隻貓應該係之前裝修鋪線時唔小心走入去，被發現時已係乾屍狀態。佢相信事件單純係工程意外，所以唔會再特別檢查其他地板有否異常。

相片所見，全副武裝身穿白色防護衣服�鼤M潔人員，用工具撿起貓屍，並放入黑色膠袋。Emily唔多迷信風水，但同唔少網民一樣，都對事件感到驚嚇，唔知今次小意外會唔會打擊到員工士氣？不過Emily聽聞，事後辦公室氣氛還算平靜，大家如常工作，相信唔會留下太大陰影。