【明報專訊】延遲又延遲，香港摩天輪噚日下晝5點終於開業，話說摩天輪邀請一眾行家噚日朝早預覽兼試坐，但代表營辦商Swiss AEX�鼢^毅信居然突發宣布即日5點開張，在場行家嚇一跳，咁都未夠，原來摩天輪當時仲未拎到最後一個「公眾娛樂場所牌照」，開唔開到業其實話唔埋。

5點開業 4點先有臨時牌

Emily知道，摩天輪查實到噚日4點鐘先拎到臨時牌照，點解好地地開業要搞到趕頭趕命？真係只得營辦商先知啦。除�髐j玩「驚喜」，彭毅信仲對行家相當「決絕」，Emily一個友好行家「扑咪」之後想問多彭毅信幾句，點知佢笑笑口話「finished today」，隨即封口，再令行家極度「驚喜」兼無癮囉。