【Emily】李嘉誠1.2億捐史丹福 助頂尖學者研免疫疾病新療法
[2024.03.02] 發表
【明報專訊】李嘉誠基金會最近捐咗1500萬美元(約1.2億港元)畀史丹福大學，成立「史丹福企業家復原與健康計劃」，分別支援兩名頂級生物學家Michael Fischbach同亓磊(Stanley Qi)利用皮膚細菌治療免疫相關疾病嘅新療法。
翻查資料，Fischbach率領微生物組治療計劃(MITI)，研究用人體內嘅微生物或細菌作突破療法，拎過美國國家衛生院NIH Director's Pioneer and New Innovator Awards等獎項。至於亓磊嘅研究團隊就曾獲李嘉誠基金會支持，開發迷你CRISPR系統，為肌肉萎縮症、肝臟疾病和失明患者做基因治療。
今次係李嘉誠第二次向史丹福大學捐錢，2010年就捐畀該校醫學院成立李嘉誠學習與知識中心。
李嘉誠話今次再次成立新項目係想推廣能造福全世界嘅變革技術，好高興啲企業家能夠將科學創新轉化成鼓舞人心嘅新科技。
更多港聞
【Emily】前民政局副局長 陳積志任申訴專員
【明報專訊】前民政事務局副局長陳積志（圖）4月起接替趙慧賢做申訴專員，為期5年。陳之前喺政府做事近40年，做過公務員事務科、保安科、教資會、... 詳情
【Emily】樂園推港式避風塘美食吸客 迪士尼：魔雪餐廳日賣套餐最多3000份
【明報專訊】香港迪士尼樂園噚日舉行美食巡禮，介紹將會推出嘅避風塘特色美食等，向旅客推廣港式風味。傳訊及公共事務副總裁黎珮珊話樂園過去一年同今... 詳情
【Emily】工程師周嘉年華開鑼 深井小學生打造鵝船
【明報專訊】香港工程師周嘉年華噚日起一連3日喺西九文化區海濱草坪舉行。發展局長甯漢豪主持開幕禮後就同其他嘉賓行咗幾圈，其間來自深井天主教小學... 詳情相關新聞
