【Emily】海園人工授精繁殖瀕危牛鼻鯆 全球首例 BB今年4月出世
[2023.12.16] 發表
【明報專訊】海洋公園成功以人工授精方式繁殖牛鼻鯆，為全球首宗案例，經過61周2天嘅懷孕過程，名為April嘅雌性牛鼻鯆BB喺今年4月出世，𠵱家喺園內嘅「海洋奇觀」生活，訪客參觀時都有機會見到佢。牛鼻鯆屬於瀕危物種，通常每胎只有一條，海洋公園話，由於牛鼻鯆嘅求愛行為比較粗暴，較難自然交配，而胚胎被吸收或胎死腹中嘅情况都經常發生。
今次嘅整個人工授精計劃以年計，園方喺2021年已為3條雌性牛鼻鯆檢查身體，仲要同其它雄性牛鼻鯆隔離，4個月後再做超聲波檢查，確保佢哋無懷孕。團體喺2022年2月開始人工授精，其後一直以超聲波檢查，監測牛鼻鯆嘅妊娠情况，其中一條雌性牛鼻鯆喺第20周確認懷孕。
海洋公園獸醫服務總監馬伯樂話，過程中冷卻同儲存精液嘅步驟尤其重要，亦係世界各地科學家致力研究嘅範疇，今次團隊克服技術障礙，係好重要嘅里程碑。
更多港聞
【Emily】馬斯克阿媽遊港 話見到好多Tesla
【明報專訊】香港開關後多咗國際旅客，Tesla創辦人馬斯克（Elon Musk）嘅阿媽Maye Musk近日都嚟咗香港，仲喺中環同金鐘鬧市影... 詳情
【明報專訊】不時有市民收到假冒入境處嘅詐騙電話，入境處長郭俊峯最近親自拍片，提醒市民唔好上當。入境處噚日喺社交平台上載宣傳短片，片中郭俊峯一...
詳情
【Emily】立會午間音樂會復辦 聽已長大嘅「小鬼隊」演奏
【明報專訊】因疫情停辦4年嘅立法會午間音樂會噚日復辦，立法會主席梁君彥喺facebook話，佢同幾個議員同職員都趁午飯時間去大堂，觀賞香港口... 詳情相關新聞
