【Emily】澄清收押所重建批評 鄧炳強邀何君堯參觀
[2023.11.14] 發表
【明報專訊】立法會工務小組早前通過撥款55億元重建荔枝角收押所，當日立法會議員何君堯(圖)批評係「五星級的家」。保安局長鄧炳強噚日話，同何君堯係朋友，話何係公認嘅敢言議員，多謝佢提出一啲論點「令我明白到社會上有些誤解」，希望有機會邀請佢去荔枝角參觀。鄧炳強亦強調，重建原則實而不華、目標為本，社會上卻有人藉此大做文章。
多謝何「令我明白社會有誤解」
鄧炳強出席立法會保安事務委員會後主動向傳媒澄清，話留意到社會上有人就重建項目提出唔同論點，當中好多與事實不符，又批評有人利用重建一事去寫文章「指有關官員軟對抗」，對此感到遺憾甚至要譴責。鄧強調官員都實事求是，亦考慮香港整體利益，慎用資源，盡忠職守、問心無愧。
斥有人藉此大做文章
鄧炳強再解釋，荔枝角收押所已有46年歷史，設施老化，且撇除重建時削山坡嘅特別工程費用，重建費用同2011年興建大欖女懲教所嘅呎價相若；又話懲教設施有優秀保安系統，將懲教設施同酒店甚至普通住所直接比較唔恰當，舉例懲教署換一道閘門要30萬至80萬元，而且設備無多到，仍繼續有醫療設施、一個綜合祈禱室，後者係一間房畀宗教人士祈禱。
更多港聞
【Emily】首位華人市政局主席 記錄香港變遷 張有興藏品捐中大
【明報專訊】市政局首位華人主席張有興上年初離世，女兒張天愛將爸爸多年藏品捐贈中文大學，噚日簽署協議。藏品包括5箱橫跨半世紀嘅資料，包括畀英國... 詳情
【Emily】「桂冠論壇」雲集全球200科學家 李家超邀外地學者享受美食夜生活
【明報專訊】李兆基基金贊助嘅「首屆香港桂冠論壇」噚日起一連6日舉行，今次活動雲集全球近30個國家及地區近200名青年科學家，以「匯聚頂尖思維... 詳情
【Emily】白松露拍賣 為「母親的抉擇」籌得360萬
【明報專訊】全球阿爾巴白松露拍賣晚宴日前喺香港舉行，其中一個重要環節係阿爾巴白松露拍賣，為「母親的抉擇」籌款，今年嘅拍賣環節籌得360萬元，... 詳情
【明報專訊】已全面取代通識教育科的公民與社會發展科，學生須赴內地考察，其中1天團曾被批「走馬看花」。教育局本學年提供26項1至5天的行程，供...
詳情
相關新聞
