【Emily】尚海龍開會敲鑼 賀攞到動議「頭啖湯」 被梁君彥嗌停 話唔驚違議規
[2023.10.19] 發表
【明報專訊】立法會噚日辯論由選委界別議員尚海龍提出、關於推動本港創科發展嘅無約束力議案。佢動議發言時，突然攞咗一個鑼出嚟，仲即場敲鑼，話「好榮幸攞到頭啖湯」，成為休會後首個辯論嘅議員議案。立法會主席梁君彥即場制止，警告佢唔應該打鑼。尚海龍會後解釋，「開鑼係一種創新」，亦切合今次為「開鑼議案」，唔擔心違反《議事規則》。
尚海龍噚日動議「跟進國家主席習近平2022年6月30日的重要創新科技指示」無約束力議員議案，發言時突然打鑼，被主席制止。唔少議員私下質疑喺會議廳打鑼唔理想，尚海龍會後回應話尊重梁君彥裁決，至於觀感就「見仁見智」，會尊重其他人意見。
提推動創科 「開鑼寓意創新」
尚海龍話，前晚出席一個晚宴活動有舞獅環節，覺得充滿生氣，啟發佢噚日發言時打鑼，所以特登向龍獅隊借鑼。被問到擔唔擔心違反議事規則，佢話道具只要與辯論有關就符合規則，而今次係立法會復會後首個「開鑼議案」，開鑼都寓意創新精神。
更多港聞
【明報專訊】政府2020年耗資1.5億元設立「緊急警示系統」，至今只有喺新冠疫情期間啟動過一次，「震動」大家嘅手機。早排香港經歷500年一遇...
詳情
【Emily】北上參與「帶路」論壇 林定國葉劉等會議室睇開幕
【明報專訊】第三屆「一帶一路」國際合作高峰論壇噚日開幕，特首李家超率領70人代表團上京參與，但並非所有人都可以出席開幕儀式，部分隨團成員噚日... 詳情
港深中大再合辦跨科課程 航天科學地球信息雙主修 穿梭兩地各佔4學期
【明報專訊】中文大學昨日宣布，與中大（深圳）合作開辦「航天科學與地球信息學及X雙主修課程」，提供40至50個學額，供兩地各自招收一半學生；新... 詳情
【明報專訊】審計署今年4月發表審計報告，關注資助學校的工程項目，帳委會及後亦發報告促請政府確保學校及時進行旗桿修葺工程。政務司長陳國基昨日在...
詳情
相關新聞
