【Emily】經民聯逛工展會 梁美芬盧偉國同喜鹹蛋魚皮
[2022.12.22] 發表
【明報專訊】一年一度嘅工展會正在維園舉行，立法會主席梁君彥同埋盧偉國、梁美芬、吳永嘉等經民聯議員噚日(21日)一齊去掃貨，藉此機會支持本地展商。Emily見到佢哋都滿載而歸，買咗一袋袋保健產品、麵食、零食等，喺會場內亦有唔少市民同佢哋打招呼。
一眾經民聯議員噚日朝早到工展會購物，廠商會會長史立德等陪同。其中梁美芬早前已經獨自到工展會購物，當時佢話人大代表選舉後會再去掃貨，今次佢就買咗蟲草、靈芝等保健食品，亦買咗鹹蛋魚皮同即食麵等。盧偉國大讚工展會攤位貨品價廉物美，佢就買咗腰果同鹹蛋魚皮等零食。該黨另一議員陳祖恒亦呼籲市民把握機會到工展會掃貨，以行動支持本地展商並振興香港經濟。工展會展期去到明年1月1日。
更多港聞
【Emily】律師會嘉許禮 彭韻僖所寫歌曲獲獎
【明報專訊】香港律師會喺上個星期一（12日）舉行咗「公益法律服務及社區工作嘉許計劃」頒獎禮，嘉許熱心提供公益法律服務嘅律師同律師行。呢個計劃... 詳情
相關新聞
