【Emily】港燈綠能比賽 「智能溫室」奪冠
[2022.12.22] 發表
【明報專訊】港燈連續8年舉辦「綠色能源夢成真」比賽，資助本地大專同中小學學生推出綠色能源方案。2021至2022年度比賽由文理書院學生憑項目「智綠新世代」奪冠，呢個項目係利用智慧操控建立太陽能發電智能溫室，以大數據同物聯網技術，調節溫室內環境參數，同時向平台花園嘅驅蚊機同灑水系統供電。負責項目嘅鄭灝瑤同學話，比賽令佢實現為學校提升校園環境嘅夢想，更可以促進師生交流，拓闊眼界。亞軍同季軍項目分別來自棉紡會中學同聖保祿中學。港燈喺比賽期間派出工程師作技術指導，協助學生隊伍。
更多港聞
相關新聞
