【Emily】「同學生睇世盃」傳統 沈祖堯星洲繼續keep
[2022.12.08] 發表
【明報專訊】正值世界盃，唔少人都會約埋朋友一齊睇波，連轉投新加坡南洋理工大學出任高級副校長嘅中大前校長沈祖堯都唔例外，佢早前返港接受《走進中大》專訪，話今個月18號已經約咗學生，預訂埋南大最大嘅演講廳，一齊睇決賽直播，預計容納到幾百人。佢話，平時都會請學生去佢屋企燒烤、食飯等。
兩度與中大師生百萬大道睇決賽
沈祖堯先後喺2010同2014年分別同過千師生凌晨喺中大百萬大道睇大電視直播世界盃決賽。佢離任後，中大原本都計劃2018年嗰屆世界盃再搞，不過因大雨取消。
沈祖堯喺訪問提到，香港過去幾年「的確好動盪」，但覺得「我們在外面看到中大仍然保持學術水平，科研成果有顯著成就」，又希望年輕人向前看，唔好只回望過去，形容「世界一定是不停轉變，向前發展的」。
提到喺新加坡嘅生活，沈祖堯話好習慣，仲話新加坡面對先天條件不足，缺乏糧食同水資源，但當地人危機感強，會研發植物肉技術同食昆蟲攝取蛋白質，覺得我哋要有積極正面思想。
更多港聞
【明報專訊】為迎接2023年，旅發局將喺12月31日除夕夜舉行「香港跨年倒數」，當晚11時59分30秒，巨型倒數時鐘會展現喺香港會展嘅玻璃幕...
詳情
【明報專訊】立法會教育界議員朱國強昨提出「維持教育開支佔本地生產總值的比例，提升教育質素」議案，促請政府以2020至2021財政年度為參照年...
詳情
【明報專訊】教育局昨推出新一輪「專上課程電子預先報名平台」（E-APP）網上報名服務，供中學文憑試（DSE）考生預先報讀下學年「大學聯合招生...
詳情
相關新聞
