【Emily】再推加強版幻彩詠香江 連續4年除夕無煙花
[2022.12.08] 發表
【明報專訊】為迎接2023年，旅發局將喺12月31日除夕夜舉行「香港跨年倒數」，當晚11時59分30秒，巨型倒數時鐘會展現喺香港會展嘅玻璃幕牆，市民可以喺維港沿岸觀賞；元旦零時零分，歷時10分鐘嘅「幻彩詠香江」加強版煙火匯演隨即上演，港島沿岸建築樓頂將會綻放煙火，配以激光及射燈，天星小輪披上色彩繽紛燈帶，會展外牆亦會同步顯示「2023」字樣同祝福語，為新嘅一年揭開序幕。
翻查資料，本港自2019年除夕起未再舉行煙花匯演，當時因應示威浪潮，改為推出加強版「幻彩詠香江」；2020同2021年除夕因疫情繼續停放煙花，分別改為網上倒數同埋喺西九文化區舉行跨年演唱會，即係話今年已經係連續第四年除夕未有煙花。
更多港聞
【明報專訊】立法會教育界議員朱國強昨提出「維持教育開支佔本地生產總值的比例，提升教育質素」議案，促請政府以2020至2021財政年度為參照年...
詳情
【明報專訊】教育局昨推出新一輪「專上課程電子預先報名平台」（E-APP）網上報名服務，供中學文憑試（DSE）考生預先報讀下學年「大學聯合招生...
詳情
相關新聞
