【Emily】中醫勸貪靚女士 想美麗要戒煙
[2022.11.19] 發表
【明報專訊】吸煙與健康委員會諗盡方法勸人戒煙，最近搵咗成日上鏡嘅楊明霞中醫師(圖)，用中醫角度提供三大戒煙秘方，包括湯水及按壓穴位。楊醫師仲特別提醒貪靚嘅女士們，話煙草屬於大熱，容易令人上火傷皮膚，「想一生美麗就一定要戒煙」。
楊醫師話，虛熱型戒煙者可能會出現精神不足、頭暈，呢啲都同脾胃、虛火相關，可以定期煲百合、梨乾、雪耳湯水飲。脾虛濕困型嘅戒煙者脷苔厚、淡色，可以用黨參、茯神、淮山煲湯飲，黨參能夠養肺脾、健脾安神，茯神淮山就可以去濕，加強安神效果。
除咗湯水食療外，楊醫師仲畀小貼士啲戒煙者，當心煩意亂時，可輕輕按壓內關穴。內關穴喺手腕橫紋正中，沿住兩條筋中間往上兩吋，大約3隻手指位，輕輕按壓，有紓緩作用。今年係香港實施《吸煙(公眾衛生)條例》40周年，政府有唔同渠道幫人戒煙，包括中醫轉介診治。
更多港聞
【Emily】民建聯10候選年度漢字 「疫」再入選
【明報專訊】民建聯舉行「香港年度漢字評選2022」，畀市民喺10個候選漢字中，選出一個最能代表今年感受同社會狀况嘅字。10個候選漢字為「團」... 詳情
【Emily】康署更新行山樂片 配立體地圖 介紹交通
【明報專訊】康文署以往一直喺網頁以「行山樂」為主題，介紹44條行山路線，最近署方陸續重新製作新嘅短片，已經更新嘅短片涵蓋9條路線，包括馬鞍山... 詳情
【明報專訊】基本法委員會委員兼經民聯立法會議員梁美芬盛傳將出選人大，適逢佢近排生日，Emily問佢生日願望會唔會係當選，梁美芬不置可否，只係...
詳情
相關新聞
