【Emily】康署更新行山樂片 配立體地圖 介紹交通
[2022.11.19] 發表
【明報專訊】康文署以往一直喺網頁以「行山樂」為主題，介紹44條行山路線，最近署方陸續重新製作新嘅短片，已經更新嘅短片涵蓋9條路線，包括馬鞍山昂平、龍脊至大浪灣、寶馬山道遊樂場至大潭篤水塘、釣魚翁等。
新上載嘅短片以16比9製作，以介紹港島龍脊路線嘅新片「龍脊縱走衝大浪」為例(圖)，短片一改以往只係播放路線全程縮時影片、冇旁白嘅做法，最新版本以俯瞰角度，用立體地圖先介紹路線全程，再配合畫面介紹前往交通安排，其間亦有介紹地質知識同埋主要景點。短片亦包括遠足路線橫切面圖、距離、行程所需時間及難度，畀市民參考。
康文署提醒市民，喺選擇路線時要量力而為，留意天氣、個人身體同路徑實際情况，最好就結伴同行及帶備充足裝備，時刻保持個人及環境衛生，亦要保持郊野清潔。
更多港聞
【明報專訊】基本法委員會委員兼經民聯立法會議員梁美芬盛傳將出選人大，適逢佢近排生日，Emily問佢生日願望會唔會係當選，梁美芬不置可否，只係...
詳情
相關新聞
