【Emily】生日願望當選人大？ 梁美芬：隨緣
[2022.11.19] 發表
【明報專訊】基本法委員會委員兼經民聯立法會議員梁美芬盛傳將出選人大，適逢佢近排生日，Emily問佢生日願望會唔會係當選，梁美芬不置可否，只係話任何崗位適合，佢都願意作出貢獻，「一切隨緣」。佢又笑言有啲生日願望要放喺心，有啲生日願望就要分享，包括快啲通關、世界和平等。
梁美芬話仲有另一個願望，就係由佢創立嘅香港基本法教育協會喺下月3日舉辦有關「一國兩制」同「一帶一路」嘅倡議國際法律論壇，希望可以成功舉行。佢憶述1997年首次舉辦呢個論壇時，細仔仲喺肚入面未出世，𠵱家細仔已長大，相信到時都會出席活動。佢又話基本法委員會副主任譚惠珠、前律政司長梁愛詩、立法會前主席范徐麗泰將負責主題演講，係難得3人同場嘅機會。
更多港聞
相關新聞
