【Emily】港大護理生定期關顧1萬長者 支援身心 教上網、用「醫健通」
[2022.11.03] 發表
【明報專訊】新冠疫情近3年，長者身心健康受影響。港大醫學院護理學院宣布，推出為期兩年嘅「耆青連心樂融融計劃」，1000名護理學院學士及碩士學生，將接觸18區超過1萬名65歲或以上長者，以定期上門探訪、打電話等形式，關心呢班長者，幫佢哋做身體健康評估、分享抗疫小貼士等。
陳肇始任計劃總監
前食衛局長陳肇始回歸校園任港大護理學院教授，並擔任計劃總監，噚日8號風球下，佢喺線上啟動計劃內首個學生培訓。佢話，長者人口上升，醫療需求增加，學校藉課程主動提供介入活動加強溝通，及早評估、適時支援長者身心健康。
今次計劃由護理學院主辦，信和集團和黃廷方慈善基金贊助、11家社福機構和非牟利機構支持，共分兩個階段，首階段下周三(9日)開始，超過50名學生會探訪逾100個住喺香港仔華富邨嘅長者；第二階段為明年1月至2024年尾，到時仲會推出「智慧助老」網站，發布伸展運動影片同飲食營養資訊等。學生亦會教長者上網，培養佢哋電子健康素養嘅能力，長遠適應「醫健通」等公共服務。
護理學院會分析今次計劃嘅臨牀數據同個案經驗，完咗會寫研究報告，為未來長者服務同培育護理專業提供適合意見。
更多港聞
【明報專訊】俄烏戰爭導致國際油價大升，本港兩電嘅燃料調整費亦已連續多個月上調，未到明年1月1日，變相已加咗電費。民建聯立法會議員陳克勤噚日喺...
詳情
【Emily】講搶才被問可否「3年取居權」 陳國基：基本法規定7年
【明報專訊】《施政報告》公布要成立政務司長領導嘅「人才服務窗口」，制定招攬人才策略。政務司長陳國基噚日喺facebook上載咗條片，講佢周一... 詳情
【Emily】有5主題館 樂齡科技展設「日本館」
【明報專訊】社聯同政府合辦嘅「樂齡科技博覽暨高峰會」噚日起一連4日喺灣仔會展舉行，市民可免費入場，今次180幾個展覽單位會展出超過700款來... 詳情
【Emily】境外公司起鐵路？ 梁熙立會提研究
【明報專訊】民建聯立法會港島東議員梁熙去年競選時，話要爭取興建西灣河港鐵站，事後解釋其實係想爭取起小西灣站，成為一時熱話。佢噚日喺faceb... 詳情相關新聞
