【Emily】講搶才被問可否「3年取居權」 陳國基：基本法規定7年
[2022.11.03] 發表
【明報專訊】《施政報告》公布要成立政務司長領導嘅「人才服務窗口」，制定招攬人才策略。政務司長陳國基噚日喺facebook上載咗條片，講佢周一去咗港區省級政協委員聯誼會，介紹「搶人才」措施。有人問佢，可否將取得香港永久居民身分嘅居港年期規定縮短至兩年或三年，吸引人才；陳國基就話好多人覺得7年先做到永久居民時間好長，但「好對唔住，呢個係《基本法》規定」。
港區省級政協委員聯誼會會長施榮懷就話，見到的士司機等人嘅年紀都相對較大，話全世界除咗要搶人才，都要搶人力，希望政府檢視「補充勞工計劃」。陳國基承諾檢視，但話基本嘅考慮係要保障本地勞工，希望喺唔影響香港勞工情况下幫到香港經濟，同幫到香港廠家。
有與會者指香港投資成本好高，陳國基話當然希望成本低啲，惟香港地小人多係事實，但正如國家主席習近平所講，香港要融入國家發展大局，「我哋一定係『瞓身』咁跟落去」，相信咁樣會吸引好多人嚟香港投資。司長話，點去「扭鬆」嚟香港嘅申請門檻，令人才願意來港，係佢哋最終目標。
更多港聞
【Emily】有5主題館 樂齡科技展設「日本館」
【明報專訊】社聯同政府合辦嘅「樂齡科技博覽暨高峰會」噚日起一連4日喺灣仔會展舉行，市民可免費入場，今次180幾個展覽單位會展出超過700款來... 詳情
【Emily】境外公司起鐵路？ 梁熙立會提研究
【明報專訊】民建聯立法會港島東議員梁熙去年競選時，話要爭取興建西灣河港鐵站，事後解釋其實係想爭取起小西灣站，成為一時熱話。佢噚日喺faceb... 詳情
教六四違操守否 蔡若蓮：倘無關課程「不專業」 指學習時間寶貴 教師應備課非「隨口噏」
【明報專訊】教育局將推出《教師專業操守指引》，具體規範教師專業和個人操守。教育局長蔡若蓮（圖）被問倘教師在課堂教授六四事件是否有可能違反指引... 詳情
相關新聞
