【Emily】陸頌雄籲舉報「呼台為國」企業 網民失望國家無出兵 建制：負責任、非打機

工聯會立法會議員陸頌雄呢兩日不斷喺facebook出帖評論美國眾議院議長佩洛西訪台，噚日就呼籲大家，如有香港企業、商舖同品牌稱台灣為「國家」，可留言舉報。

【明報專訊】美眾議院議長佩洛西(Nancy Pelosi)訪台，令台海緊張局勢升溫，港府官員前晚接連出帖炮轟佩洛西行徑，建制陣營則前日起不斷喺facebook出帖，至佩洛西前晚抵台後，工聯會選委會界別立法會議員陸頌雄呼籲，如果大家發現有香港企業、商舖、品牌稱台灣為「國家」，或展示台灣旗幟，可以留言畀佢舉報。

陸頌雄同Emily講，市民舉報後，佢會聯絡商戶及時糾正，「商戶未必有意為之，可能係誤會」，唔知道台灣應有地位。工聯會噚日就事件去美國駐港總領事館外抗議，至於會唔會呼籲市民抵制美國貨或台灣貨，陸頌雄就話「全球化嚟講，喺市民角度難，我哋唔會刻意呼籲」，但佢話內地對台灣某啲貨品有制裁，佢都會去信政府要求配合。

有網民對於中國大陸無出兵表示失望，噚日多名建制派就強調國家係負責任，新民黨議員(新界東北)李梓敬話，「我哋中國做出咗對人民，對世界，最負責任嘅行為。放心，善有善報，惡有惡報，若然未報，只係時辰未到」。元朗區議會主席沈豪傑就話，「我不禁要問，難道我們現在就立刻攻入台灣，活捉佩洛西和蔡英文，這樣網民才滿意嗎？打仗是涉及國家興亡的大事，不是小朋友打機。」

更多港聞

【Emily】金管局總裁余偉文副局何啟明染疫

【明報專訊】金管局噚日出新聞稿，話金管局總裁余偉文（圖）對新冠病毒快測呈陽性，現正按衛生防護中心指引隔離。余偉文最近一次返工日期係8月1日（... 詳情

【Emily】政府推周五便服日 鼓勵僱員做運動

【明報專訊】政府噚日宣布，由今個星期開始推行「星期五便服日」，政府僱員逢星期五可以著運動服或便服返工，以鼓勵及方便僱員喺公餘時間參與康體活動... 詳情

【Emily】九龍城試用新滅鼠器 垃圾房一周捉7鼠

【明報專訊】新一屆政府銳意改善各區鼠患問題，本身係九龍城區議員嘅立法會議員（九龍中）楊永杰話，區內公共屋邨鼠患嚴重，其中愛民邨有如「愛鼠邨」... 詳情

【Emily】管牧指《通靈之王》違指引 向商經局反映

【明報專訊】無綫電視最近播出通靈選秀節目《通靈之王》，Emily聽聞引起部分立法會議員關注，一度打算去信通訊事務管理局投訴。有份關注事件嘅選... 詳情

【Emily】空姐牛肉飯老闆 現身粉碎結業傳聞

【明報專訊】喺反修例事件期間，食店「空姐牛肉飯」老闆郭德英多次發表撐警及反暴力言論，最近被人喺網上及facebook多個專頁傳佢間店結咗業，... 詳情