【Emily】九龍城試用新滅鼠器 垃圾房一周捉7鼠
[2022.08.04] 發表
【明報專訊】新一屆政府銳意改善各區鼠患問題，本身係九龍城區議員嘅立法會議員(九龍中)楊永杰話，區內公共屋邨鼠患嚴重，其中愛民邨有如「愛鼠邨」，九龍城區議會最近主動出擊，聯同九龍城民政事務處推出試驗計劃，引入外國新型捕鼠器，分別喺愛民邨、紅磡邨及九龍城區內多個地點放置多個捕鼠器。楊永杰噚日到紅磡邨檢視3個放置喺垃圾房嘅捕鼠器，發現試用一周後，其中兩個合共捉到7隻老鼠，認為略見成效。
楊永杰：略見效 政府要突破框框
楊永杰噚日喺社交網站發文，佢話呢種新型捕鼠器係一個兩層膠箱，蓋頂及膠箱背面有6個放置咗瓜子嘅托盤，「等待」老鼠自投羅網，箱外有一個數字圈，指住嘅數字代表已補捉嘅老鼠數目。佢同Emily講，放置喺紅磡邨嘅3個捕鼠器試行一周後，其中兩個分別捕捉到3隻及4隻老鼠，另一個未有捉到。佢話老鼠會直接掉進膠箱內，減低細菌傳播風險，改善衛生問題。
楊永杰又話，鼠患唔止係九龍城區，甚至係全港問題，食環署以傳統藥粉、鼠籠、鼠夾等方式捉嚟捉去得個桔。佢話今次試用嘅膠箱每個成本約1000元，成本有限，又話唔一定要用呢款膠箱，而係政府要突破框框，設法多管齊下解決鼠患問題，例如試用新款捕鼠器，然後評估成效，再擴大應用範圍，改善鼠患問題。
更多港聞
【明報專訊】無綫電視最近播出通靈選秀節目《通靈之王》，Emily聽聞引起部分立法會議員關注，一度打算去信通訊事務管理局投訴。有份關注事件嘅選...
詳情
【Emily】空姐牛肉飯老闆 現身粉碎結業傳聞
【明報專訊】喺反修例事件期間，食店「空姐牛肉飯」老闆郭德英多次發表撐警及反暴力言論，最近被人喺網上及facebook多個專頁傳佢間店結咗業，... 詳情相關新聞
