【Emily】《東張》前主持黃穎君 民政局調職文體局
[2022.08.02] 發表
【明報專訊】Emily近日翻閱政府電話簿，發現無綫節目《東張西望》前主持黃穎君(圖)已經由民政事務局調職到新設嘅文化體育及旅遊局，職位同為媒體主任。黃穎君同Emily話，今年七一已經調職，新崗位職責同之前分別不大，仲話對於協助發展香港成為「中外文化交流中心」充滿使命感。
黃穎君去年12月加入政府，擔任民政局媒體主任。佢表示對文化藝術有興趣，於是答應調職，自己過去亦從事相關工作，又話新職位主要負責回應傳媒查詢、宣傳活動等，同之前一樣，能夠適應。不過，黃穎君認為文體旅局作為新政策局，工作更具前瞻性，自己嘅責任感亦更強。睇番資料，媒體主任月薪67,295元，去年政府公開招聘，合約為期一年。
更多港聞
【Emily】與染疫子竹篙灣慶生 張欣宇由忐忑到有得着
【明報專訊】「香港新方向」新界北立法會議員張欣宇（Gary）育有3子女，7歲大仔上周確診新冠病毒，佢陪阿仔入住竹篙灣隔離，噚日係第四日。Ga... 詳情
相關新聞
