【Emily】曾鈺成怕激嬲林太 唔講係咪支持連任
[2021.03.17] 發表
【明報專訊】特首選舉明年舉行，政圈早已開始討論特首「跑馬仔」呢個議題，民建聯創黨主席、立法會前主席曾鈺成噚日出席民主黨前主席劉慧卿網台節目《議會內外》訪問時，都被問到支唔支持特首林鄭月娥連任。曾鈺成笑住話：「我費事又激嬲林太啦……我話佢(林太)唔連任，又激嬲林太；我話佢連任，又激嬲另一個。」另一個係邊個？主持人劉卿姐就話「哦，梁振英」。
接受劉慧卿訪問
自嘲政治打賭輸到「眼鏡跌爛晒」
曾鈺成話，近兩年同朋友作政治打賭，自嘲多數輸到「眼鏡跌爛晒」，「最初話2020年3月林鄭要落台……後來打賭會唔會做多過2020年7月，𠵱家呢？係打賭佢連唔連任」。劉慧卿問曾鈺成會否打算選特首，曾鈺成話自己喺2012最有機會選，但𠵱家年齡大，又反問自己嘅主張「喺呢個時勢，是否合乎時宜呢？」
會否擔心紫荊黨取代民建聯？
曾：到佢有2.5萬黨員先諗啦
中央多次強調「愛國者治港」，近期突然冒起由一班內地海歸者牽頭嘅「紫荊黨」，目標招攬25萬黨員。民建聯目前有4萬幾名黨員，被問會否擔心被紫荊黨取代，曾鈺成話「到佢有2.5萬(黨員)先開始諗啦」。
更多港聞
【Emily】區議員何致宏為「失蹤」道歉：患了抑鬱
【明報專訊】政府連續3晚喺中西區封區，建制派嘅「議會監察」喺facebook話水街封區，但當區區議員何致宏「失蹤隱形」，質疑「莫非著咗草」，... 詳情
【明報專訊】中學文憑試筆試4月下旬開考，學校今日起至下周二（23日）可領取准考證，再分發學生。新型冠狀病毒疫情持續，考試及評核局向學校發通告...
詳情
【明報專訊】香港中學校長會上周撰文，批評高中4個核心科目改革是「長官意志」，昨日再發文，承接上篇，提及對通識科修訂種種質疑。中學校長會指出，...
詳情
【明報專訊】為加快替學校加裝升降機，政府在2018年《財政預算案》宣布預留20億元及設立專責隊伍集中處理。教育局回覆稱，早前已如期安排專責人...
詳情
相關新聞
