【Emily】區議員何致宏為「失蹤」道歉：患了抑鬱
[2021.03.17] 發表
【明報專訊】政府連續3晚喺中西區封區，建制派嘅「議會監察」喺facebook話水街封區，但當區區議員何致宏「失蹤隱形」，質疑「莫非著咗草」，又話何兩個月無出席區議會會議，批評係失職。Emily打去何致宏嘅聯絡電話，助理接聽話自己都有一段時間無見過何議員，但何一直有透過電話安排佢哋工作同協助居民。何致宏噚晚喺fb向選民街坊道歉，透露自己因為呢段日子抵受各種壓力，身心未能負荷，精神出現嚴重問題，得了抑鬱症。
建制揶揄著草 助理：電話安排工作
喺何致宏出帖前，Emily向中西區區議會主席鄭麗琼查詢，佢話何致宏上次開會有講自己唔舒服要請假。何致宏喺fb話，出帖前掙扎好耐，既唔希望外界知道佢要到精神科求醫，更擔心佢嘅狀况會被政見不同者惡意標籤，「生病固然是自己的事，但社會對情緒病症有許多誤解，這對一個病人而言相當可怕。要是生病被拿作政治把柄，那就更加可怕了」。佢認為事已至此，選民應有知情權，必須向大家坦白交代。
佢又懇求大家，原諒佢嘅軟弱，畀啲空間佢好好療養，然後重新出發。
更多港聞
【明報專訊】中學文憑試筆試4月下旬開考，學校今日起至下周二（23日）可領取准考證，再分發學生。新型冠狀病毒疫情持續，考試及評核局向學校發通告...
詳情
【明報專訊】香港中學校長會上周撰文，批評高中4個核心科目改革是「長官意志」，昨日再發文，承接上篇，提及對通識科修訂種種質疑。中學校長會指出，...
詳情
【明報專訊】為加快替學校加裝升降機，政府在2018年《財政預算案》宣布預留20億元及設立專責隊伍集中處理。教育局回覆稱，早前已如期安排專責人...
詳情
相關新聞
