【Emily】保釋後即返區議員崗位 區會碰頭 劉偉聰、何啟明相擁打氣
[2021.03.17] 發表
【明報專訊】47名民主派因「35+初選」被捕，本月初經歷數日「馬拉松式」提訊，部分被告獲准保釋，噚日喺區議會會議碰頭。被告劉偉聰及何啟明同為深水埗區議員，保釋後首次出席會議，兩人見面時相擁拍膊，互相支持。
何啟明發言講消費券：
支持依法施政 但應顧現實
深水埗區議會主席、民協楊彧喺開會前話，「尤其歡迎劉大狀(劉偉聰)回歸議會，同埋何啟明稍後都會回來」。首項議程討論政府發放電子消費券，何啟明發言時質疑小商戶、市民未必能夠有效運用，話直接派錢較好，「我本人非常支持特區政府依法施政，但前提應顧及現實需要，等依法施政能夠貼地、現實一啲」。
鄭達鴻、李予信重返東區區會
主席黎志強痛心內疚
東區區議會噚日亦開委員會，該區區議員、兩名案中被告鄭達鴻、李予信獲准保釋後亦出席會議，東區區議會主席黎志強同佢哋握手擁抱；黎志強話覺得好痛心、內疚，指自己由1980年代開始做區議員，但至今仍未為年輕一代爭取到自由嘅環境，𠵱家只能提醒鄭、李兩人萬事小心。黎志強仲話，雖然兩人官司纏身，發言時唔能夠講得太露骨，但噚日喺會上依然堅持為民發聲。
更多港聞
【Emily】還押中記掛太太生日 尹兆堅早備驚喜
【明報專訊】民主派「35+初選」案仲有37人還押唔准保釋，同家人分隔，當中民主黨尹兆堅雖然為訴訟煩惱，但仲記掛太太生日。尹太寫家書畀阿尹，透... 詳情
【明報專訊】特首選舉明年舉行，政圈早已開始討論特首「跑馬仔」呢個議題，民建聯創黨主席、立法會前主席曾鈺成噚日出席民主黨前主席劉慧卿網台節目《...
詳情
【Emily】區議員何致宏為「失蹤」道歉：患了抑鬱
【明報專訊】政府連續3晚喺中西區封區，建制派嘅「議會監察」喺facebook話水街封區，但當區區議員何致宏「失蹤隱形」，質疑「莫非著咗草」，... 詳情
【明報專訊】中學文憑試筆試4月下旬開考，學校今日起至下周二（23日）可領取准考證，再分發學生。新型冠狀病毒疫情持續，考試及評核局向學校發通告...
詳情
相關新聞
