【明報專訊】Emily日前報道，屯門友愛邨附近馬路旁出現幾座被嘲似「山墳」嘅物體，搞到街坊周身唔聚財，噚日再經過嗰度，發現喺運輸署口中造價達20萬元嘅「以岩石鋪砌小丘園境」，又「回到最初的起點」，得番一堆碎石。 民建聯屯門區議員葉文斌同Emily講起個「山墳」時都好嬲，「運輸署起又唔講，拆又唔講，係咪當區議員無到？」佢話一早已苦口婆心叫運輸署用鐵絲網封住個地方，杜絕聚賭問題，署方唔聽意見不特止，無問過所有人就搞個「山墳」出?，真係起同拆都浪費公帑。葉文斌話，現場4個「山墳」，政府拆?1個，另外3個用黑布蓋住。運輸署之前仲話會優化工程設計，𠵱家無聲無息就拆咗佢，莫非佢?都覺得「無眼睇」、好難搞番靚？
|
| |
| |
;){kind=small}
