【明報專訊】新免費電視台ViuTV本月6日開台，通訊局主席何沛謙噚日出席傳媒茶敘時，話平時多數睇新聞節目，ViuTV開台當晚都首次認真睇韓劇，相信佢係講緊近日大紅劇集《太陽的後裔》。佢仲話當晚接住仲睇埋首集、以立法會主席曾鈺成同議員梁國雄為主角�鵅m跟住矛盾去旅行》，覺得呢個節目「幾新鮮」，有興趣睇落去。

有記者問如果《跟》請佢參與拍攝，會唔會應承，何沛謙笑笑口話無人邀請佢。有人追問想唔想同商經局長蘇錦樑一齊去，佢繼續笑住話「咁點會矛盾呀？你唔可以用矛盾」。