指通街空舖現裁員潮 歸咎佔中 何柱國批黃之鋒「傻仔」
[2016.04.04] 發表
【明報專訊】稱「凍薪好過炒人魷魚啩？」
星島新聞集團主席兼全國政協常委何柱國接受無綫《講清講楚》訪問，被問到點解星島集團仍然賺錢但就宣布因經營環境問題，部分高層員工減薪兩成，其餘員工凍薪。何柱國回應話，預料經營環境會愈來愈差，認為應行早一步﹕「你今日凍薪，好過炒人魷魚啩？你寧願炒人還是凍薪呢？」何柱國仲同主持人吳璟儁講﹕「貴電視台都捱緊啦！」
何柱國話，自己兩年前已表明，當時佔中人士「以為好好玩，將來就會有失業潮」，結果兩年後嘅今日，經濟持續轉差。何柱國認為現時滿街空舖，裁員潮已經出現，「好似(學民思潮前召集人)黃之鋒話，大企業無裁員，個傻仔傻嘅咩，見通街係空舖，都白癡嘅，有冇見空舖？有間空舖，咪就係炒咗人囉」。
之鋒：商店依賴自由行之過
被狠批嘅黃之鋒喺facebook反駁，話何柱國咩都賴落佔中度，但其實係商店過分依賴自由行，令到舖租高企而做唔住。黃之鋒又話自己被人批評係意料之內，但認為「傻仔」、「白痴」呢種標籤，「真係一種純情緒發泄嘅小學雞指罵」。
更多港聞
【明報專訊】年薪加約滿酬金達383萬、即係日薪逾1萬元嘅新聞統籌專員馮煒光向來惹火，不時被前黨友、即係民主黨成員狙擊，佢近日喺faceboo...
詳情
相關新聞
