【Emily】徐英偉申退黨 民建聯：盼建港報國征途續並肩
[2024.08.27] 發表
【明報專訊】前民政事務局長、現任香港酒店業主聯會執行總幹事徐英偉(圓圖)，噚日同入黨多年嘅民建聯「分手」，正式提出退黨。Emily向黨主席陳克勤了解，民建聯就回覆話，噚日中午收到徐英偉退黨嘅申請，「陳克勤主席將會商約徐先生了解，希望未來在建設香港、報效國家的征途上，民建聯能與徐先生繼續並肩而行」。
Emily噚日WhatsApp徐英偉，想了解佢退黨嘅原因，但佢就未有回覆喇。徐英偉係民建聯資深黨員，佢出任政治助理、副局長及局長期間，一直保留黨籍，更喺2015年一度傳出佢會離開政助職位，返去民建聯做總幹事，但最終佢留喺政府，其後仲做埋局長。不過，徐英偉喺2022年疫情政府嚴控民眾聚集嘅期間，出席時任港區人大代表洪為民嘅生日派對，就喺因為呢次「洪門宴」，徐英偉喺當年1月請辭離開政府。
徐英偉近年以另一身分出現，除咗為酒店業界工作，亦熱心體育，出任中國香港足球總會副主席，仲有上電視台評述奧運，並出任中電客戶諮詢小組成員。
更多港聞
【Emily】東華首招線上賣旗義工 貼link募捐
【明報專訊】東華三院聽日（28日）舉辦賣旗日，主席鄧明慧噚日喺傳媒午宴話今次賣旗日以「扭出善心」做主題，一套4款嘅紙旗設計係以扭蛋元素結合動... 詳情
【Emily】IVE生桌遊《彈無指境》 助提升長者手眼協調
【明報專訊】香港專業教育學院（IVE）學生團隊以懷舊遊戲「彈波子」做藍本，以象棋取代波子，加入「冰壺棋子」、「砌牆」及「天下太平」3款玩法，... 詳情
【Emily】聯校科學展 李城璧環保黏合劑奪冠
【明報專訊】一連7日嘅第57屆聯校科學展覽噚日閉幕，保良局李城璧中學學生憑環保黏合劑「泡泡綠黏寶」發明，奪得全場總冠軍。學生提取柑橘果皮嘅檸... 詳情
【明報專訊】巴黎奧運結束，巴黎殘疾人奧林匹克運動會將喺香港時間8月29日凌晨揭幕，大家可以繼續支持香港健兒。香港電台話殘奧會舉行期間，電視3...
詳情
相關新聞
