【Emily】迪士尼嘉年華 歡笑遍兒童醫院
[2024.08.27] 發表
【明報專訊】迪士尼義工隊上星期五(23日)喺香港兒童醫院舉辦嘉年華，同超過300個病童及家長一齊開心放暑假。活動當日米奇同米妮分別著住醫生袍同護士服嚟到病房同小朋友擊掌、相擁(圖)，而義工隊就喺大堂設置遊戲攤位，表演雜技、唱歌同擊鼓，又向在場小朋友派氣球同文具，歡笑聲遍佈醫院每個角落。
今年6歲嘅謀安最鍾意卡通《閃電王》麥坤，佢媽媽就話仔仔要定期嚟醫院覆診，今次參加到嘉年華玩遊戲同睇魔術表演，見到佢非常投入。兒童醫院行政總監李子良話相信今次嘅特別探訪可以畀到力量，令病童有信心面對治療同挑戰。
更多港聞
【明報專訊】Q：仲裁、調解、訴訟，有何分別？
A：仲裁是以當事人約定為基礎的爭議解決方式，即當事人約定將爭議提交通常由一或三名中立的、...
詳情
【明報專訊】Q：仲裁及調解具相關的法律框架嗎？
A：現行的《仲裁條例》於2011年6月生效，以聯合國國際貿易法委員會《國際商事仲裁示範...
詳情
【明報專訊】Q：仲裁及調解有什麼優點？
A：仲裁屬私下進行，通常保密，程序亦較法院訴訟靈活，可更快及更便宜地解決爭議；處理國際糾紛時，...
詳情
【明報專訊】參考資料及就你所知，圈出正確答案。（參考答案見另文）
1. 仲裁裁決對爭議方具法律約束力。
（是/否）
2. ...
詳情
相關新聞
