【明報專訊】連續兩個星期日大批市民上街反對修訂《逃犯條例》展示民意，建制派近日就相對平靜，未有任何大型活動；網上則出現惡搞圖，話撐修例一方會舉辦遊行，又講到有錢派畀參加者等。「保公義撐修例」大聯盟召集人、全國政協委員黃英豪噚日亦send�鰼i「請廣傳」圖畀Emily，內容係要求建制派議員動員400萬人上街和平示威，支持政府修例，「不要讓反對派騎劫民意、堅拒外國勢力」。黃英豪同Emily講，張圖唔知邊個傳，目前大聯盟冇具體計劃，但近期會有會議討論。

咁討論�鱈均B仲會唔會搞活動？黃英豪就話要討論完先講，未來兩周有結果。大聯盟之前搞網上聯署、開街站派小冊子撐修例，但政府日前話暫緩，大聯盟會唔會好失望？黃英豪話佢理解政府決定，但問「建制的支持者呢？」，叫Emily自己想想。

大聯盟未動員，建制派立法會議員何君堯就做先頭部隊，本月30日下晝�鶷K馬公園搞「撐警隊 反暴力」集會，呼籲市民「為了香港、為了下一代、為了公義、為了法治、一起動起來」。