【明報專訊】利物浦喺前日歐聯決賽以2比0力挫熱刺，一眾球迷嘅討論熱度仲蔓延至沙中線紅磡站調查委員會聆訊！噚日來自紮鐵分判商永光嘅工料測量經理張益明作供期間，委員會主席夏正民提醒佢，小休嘅時候，唔可以同任何人討論供辭同埋聆訊相關內容。張益明就問主席，咁可以講啲咩？

夏正民似乎都係球迷，但唔知係咪唔鍾意利物浦呢，因為佢建議「你可以同人傾其他嘢，例如熱刺輸波嘅悲哀(You can talk about other matters, the sadness of Tottenham Hotspur in losing a football match)」。而張益明立即表示自己係曼聯球迷，睇嚟佢喺睇波呢件事上，或者同主席企喺同一立場喎。