被問同王維基幾時行禮 袁莎妮：好日嚟嘅
[2018.11.20] 發表
【明報專訊】香港電視主席王維基上個月入紙，同香港總商會總裁袁莎妮(Shirley，圖)登記結婚，Shirley噚日出席總商會記者會後被問到婚訊時忍唔住甜笑，「畀啲私人空間我哋啦」，又話已經當件事係完成咗，但亦話入咗紙就要經過程序，咁即係幾時行禮呀？佢未有正面回應，只肯透露係「好日嚟嘅」。
總商會再請搭電車
Shirley噚日喺記者會上，主力介紹香港總商會創會157周年活動「全程為您」，喺本月29日請市民免費乘搭往來堅尼地城至筲箕灣全線電車，以及兩條分別來往尖沙嘴至中環同灣仔嘅天星小輪航線。
Shirley話，活動由2011年開始舉辦，每年惠及超過30萬人次，預算總開支逾200萬元，會揀天星小輪同電車，係因為兩種交通工具都同總商會一樣，有過百年歷史，見證香港風雨，所以希望遊客同市民都有機會免費乘搭，帶啲正能量畀社會。
Shirley亦特別介紹總商會「全港十八區詩人」活動，只要like咗佢哋個facebook page，寫首詩tag吓朋友仔，就可以參加抽獎，獎品包括酒店住宿同自助餐。
更多港聞
【明報專訊】立法會喜事多籮籮，除咗新民黨議員容海恩（Eunice）出年會生BB之外，立法會秘書處現時亦有3名職員喺1月後分娩。立法會行政管理...
詳情
【明報專訊】高等法院早前裁定公務員事務局拒絕讓公務員嘅同性婚姻配偶享福利及津貼嘅決定係歧視，政府亦逐漸更改做法，公務員局早前就向立法會提交文...
詳情
【明報專訊】九龍西補選下星期日舉行，九西有唔少外國人，例如九龍城特別多泰國人，少數族裔自然係拉票對象之一。有職工盟組織幹事喺facebook...
詳情
相關新聞
