任何仁孖清潔龍 宣傳捐器官
[2018.11.17] 發表
【明報專訊】消防處宣傳角色「任何仁」(洋名Anyone)紅爆網絡，為?宣揚救人精神，仲頻頻曝光，今次佢孖住「清潔龍阿德」，喺噚日午飯時間現身政府總部飯堂，呼籲一眾公務員同事登記器官捐贈。由於兩大人氣角色拍住上，引嚟一眾高官同公務員爭住同佢哋selfie(自拍)。
任何仁相當身體力行，即場簽?器官捐贈卡，Emily好有興趣佢係咪用真正身分簽名。facebook專頁「器官捐贈在香港」亦出帖文多謝任何仁同清潔龍阿德撐場。
其實今年係「中央器官捐贈登記名冊」成立10周年，所以除?食物及衛生局長陳肇始喺上星期六(10日)器官捐贈日出?Blog叫市民支持器官捐贈，噚日政務司長張建宗、食衛局副局長徐德義一齊去?政總器官捐贈攤位，仲同任何仁、清潔龍阿德自拍，真係相當出力。
任何仁噚晚亦?消防處fb短片出現，有兩隻相信屬於任何仁?藍色手揭開「滅火秘笈」，教授使用滅火筒4個步驟，就係拔針、瞄準、按掣、橫掃。
更多港聞
【明報專訊】喺中環經營Levels同Bungalow等酒吧會所嘅「香港娛樂集團」申請主板上市，前日交?初步上市文件，唔單止有藝人王秀琳（Ma...
詳情
相關新聞
