黃大仙警署開放日 警犬鐵騎吸睛
[2016.11.14] 發表
【明報專訊】黃大仙警署噚日舉行開放日，用攤位遊戲形式，輕鬆宣傳防止罪案資訊。唔少家長趁假期帶埋子女參加，認為遊戲令小朋友更容易吸收防止罪案知識。
遊戲攤位有關唔同防止罪案資訊，例如電話騙案、禁毒、商業罪案等。加入輔警工作26年嘅鄧小姐帶埋8歲半契女嚟玩，佢話小朋友喺學校同電視學到嘅資訊唔夠，遊戲方式令佢哋更易吸收，認為日後應該搞多啲類似社區活動。
黎太帶咗分別6歲同9歲嘅子女參觀，認為有助佢哋了解警署同警察工作，但小朋友年紀仲細，玩遊戲時要喺隔籬講解。開放日除咗有警察銀樂隊、警察中國武術會散打隊表演，仲安排咗就退休嘅7歲警犬Ray表演服從訓練，唔少小朋友爭住同佢影相。交通警電單車及裝備同樣吸睛，唔少大人細路影相留念。
更多港聞
【明報專訊】下周日（11月20日）係「長者日」，各界都為老友記提供優惠，社會福利署籌辦咗「消費優惠大行動」，邀請本地飲食及零售業界於當日為長...
詳情
【明報專訊】防止學生自殺委員會月初提交最終報告，教育局昨在網上專欄「政策正面睇」撰文指出，不少人認為有關建議未能全面針對問題，要求政府為學校...
詳情
相關新聞
