【Emily】教大國安與法律教育研究中心成立
[2024.01.10] 發表
【明報專訊】香港教育大學噚日舉行國家安全與法律教育研究中心成立典禮，係全港首間專上院校成立相關中心。出席典禮嘅律政司長林定國致辭時提到，教大喺呢方面扮演緊獨特角色，形容教大學生係香港年輕人，亦係未來教師，會肩負教育下一代嘅重大使命。
林定國話好有信心呢個中心一定會成功，兩大原因包括位於北角嘅選址好，大讚「絕對係好地方」，事關中心同佢屋企只有幾分鐘距離；另外就係中心個名改得非常好，反映咗背後將國家安全同法律兩者連接嘅理念。佢又話，要做好國安教育同推廣法治嘅工作，係需要香港社會上下一心、群策群力先可以成事。
教大嘅國家安全與法律教育研究中心由教大應用政策研究及教育未來學院聯席副院長顧敏康教授擔任總監，將國安同法律教育融入大學課程，中心又會聯同本地或內地專家、學者，商討開發相關教材。
更多港聞
明專升格聖方濟各大學 自資第四間 今屆畢業獲大學證書 收生寒冬下料取錄人數相若
【明報專訊】明愛專上學院（簡稱明專）昨獲行政長官會同行政會議批准，升格和正名為「聖方濟各大學」（Saint Francis Universi... 詳情
【明報專訊】明愛專上學院「跑出」升格為聖方濟各大學，而東華學院、香港珠海學院亦一直以此為目標。本報昨向相關院校查詢升格大學進展，東華學院回覆...
詳情
詞中物：兩個「故障」的人 同病相憐——《永久損毀》
【明報專訊】繼2023年中陳蕾為MC張天賦譜上《第二人格》的歌詞，相隔近半年，二人首度合唱作品終於派台。大部分合唱歌曲以二人對話形式鋪排歌詞... 詳情相關新聞
