【Emily】田二少議廳被逐 新選制首人 張宇人不滿插口「熄咪」
[2022.09.10] 發表
【明報專訊】新一屆立法會全部由「愛國者」組成，議員開會時比以往少咗爭拗，不過噚日嘅衛生事務委員會，實政圓桌田北辰(田二少)同主席張宇人就爆發罵戰，張宇人仲將田北辰逐出會議廳，係更改咗選舉制度後嘅首次。
話打斷盧寵茂發言 張：希望你有禮貌
田北辰同好多議員都關注入境者嘅檢疫日數幾時可以由「3+4」放寬到「0+7」，即係唔使酒店檢疫，醫衛局長盧寵茂答田北辰時，田一度打斷局長，想追問，張宇人即刻阻止佢，非常不滿咁話「你等局長答晒先啦」、「唔該你(田)同我講嘢，唔好直接同局長講嘢」，仲鬧田北辰不時插嘴，「希望你有啲禮貌」。田北辰即刻反駁話張宇人都插口，唔覺得佢好有禮貌。
兩人你一句我一句，鬧咗成分鐘，田北辰話張宇人「燒」咗佢1分鐘，要求畀番1分鐘佢，被張宇人斷言拒絕，「我無需要畀任何時間你！」最後局長回應超時半分鐘答唔晒，張宇人就打斷局長，叫佢書面回覆。田北辰再要求多1分鐘，張宇人隨即下令「熄咪」，最後仲叫秘書請田北辰出去，並休會5分鐘，之後田北辰就無再返會議廳喇！
更多港聞
【明報專訊】疫情下百業蕭條，部分活化歷史建築亦人流大減，影響運作，包括虎豹樂圃。政府噚日宣布虎豹樂圃12月1日起停運，中止原定2025年3月...
詳情
【明報專訊】已解散嘅支聯會、前副主席何俊仁連同鄒幸彤等人，喺舊年9月被控國安法嘅煽動他人顛覆國家政權罪，何俊仁上月先喺高院獲准保釋。噚日Em...
詳情
【Emily】「鴉片戰爭」成主題菜惹議 餐廳：非慶祝
【明報專訊】高級餐廳Relish以香港歷史事件為噱頭搞精緻料理，八道西菜包括「鴉片戰爭」、「殖民地時期」 同「日佔時期」主題菜式，例如鴉片戰... 詳情
相關新聞
