【Emily】虎豹樂圃12月停運 別墅交還政府
[2022.09.10] 發表
【明報專訊】疫情下百業蕭條，部分活化歷史建築亦人流大減，影響運作，包括虎豹樂圃。政府噚日宣布虎豹樂圃12月1日起停運，中止原定2025年3月31日屆滿嘅租約，作為運作基地嘅虎豹別墅歷史建築亦會喺同日交還政府。
續設導賞團 或加入下輪活化
發展局打算稍後諮詢保育歷史建築諮詢委員會，制定未來使用方案，包括考慮將虎豹別墅加入下一輪(第七期)歷史建築伙伴計劃，畀合資格機構申請。過渡期間，發展局會安排導賞團等畀市民參觀，詳情稍後公布。
虎豹樂圃係第三期活化計劃項目，由非牟利嘅虎豹音樂基金有限公司將虎豹別墅復修、活化為虎豹樂圃，2019年4月開始營運，提供中西音樂培訓，仲定期搞免費導賞，開放虎豹別墅花園同「詮釋區」畀公眾參觀。虎豹音樂基金同政府講，虎豹樂圃營運面對好多挑戰，影響收入同營運，已經好努力咁改善財務狀况，最終都結束。
更多港聞
【明報專訊】已解散嘅支聯會、前副主席何俊仁連同鄒幸彤等人，喺舊年9月被控國安法嘅煽動他人顛覆國家政權罪，何俊仁上月先喺高院獲准保釋。噚日Em...
詳情
【Emily】「鴉片戰爭」成主題菜惹議 餐廳：非慶祝
【明報專訊】高級餐廳Relish以香港歷史事件為噱頭搞精緻料理，八道西菜包括「鴉片戰爭」、「殖民地時期」 同「日佔時期」主題菜式，例如鴉片戰... 詳情
相關新聞
