【Emily】撤銜事件二少撐阿哥 「冇田北俊 自由黨只係普通生意人」
[2022.08.12] 發表
【明報專訊】自由黨中委會前日通過取消榮譽主席職銜，其中3名榮譽主席田北俊、周梁淑怡同劉健儀喺會議前退黨以示不滿，田北俊批評黨領導層做法偏離自由黨嘅傳統同黨友間嘅互相尊重。田北俊細佬、實政圓桌立法會議員田北辰接受查詢時同Emily講，「田北俊唔需要自由黨，但相反自由黨冇咗田北俊就係一班普通生意人」。
自由黨領導層前晚發聲明話挽留緊3位元老，Emily噚日向自由黨主席邵家輝了解挽留成點，佢話「仍然挽留中，冇補充」。
邵家輝話仍在挽留3元老
田北辰話，自己喺地區工作時成日被人問到，唔知自由黨同經民聯有咩分別，唯一分到田北俊就係自由黨嘅人，佢認為如果自由黨冇咗田北俊，就只係「一班普通利益階層」。
對於自由黨領導層嘅做法，田北辰感到詫異，指如果自由黨覺得某些人應該退落嚟，可以用選舉方式處理。佢認為今次事件係源於基本尊重問題，同哥哥嘅講法一樣，認為要「互相尊重」。
至於會否邀請哥哥加入實政圓桌，田二少話阿哥或者想休息。佢對事件嘅感悟係，搵同伴一定要搵啲「打風都打唔甩嘅」。
更多港聞
【Emily】妻登報斷翁媳關係 袁彌昌話冇釀家變 信父了解「現時香港需要表態」
【明報專訊】新民黨立法會議員容海恩上周登報發聲明，以「國之大義」理由與家翁袁弓夷脫離翁媳關係，其丈夫袁彌昌噚日喺報章專欄首度回應事件，話「大... 詳情
【Emily】中大學生報改名「大學社區報」 盼續連結校園
【明報專訊】多年緊貼香港中文大學校政及時事嘅《中大學生報》，其facebook專頁噚日改名為「大學社區報」，同時更新頭像，顯示用紅筆刪去舊名... 詳情
【明報專訊】繼上月底政府招聘2000名助理文書主任（ACO），Emily聽講政府今日會公開招聘文書助理（CA），目標招聘1800人。文書助理...
詳情
【Emily】安安元宇宙「再生」 市民可化身「護理員」
【明報專訊】海洋公園上月為身體狀况轉差嘅35歲大熊貓安安進行「安樂死」，園方噚日發新聞稿，話同香港科技初創開發商AiR World Limi... 詳情相關新聞
